Prezidentdən su probleminin həlli ilə bağlı sərəncam

23 Aprel , 2021 13:11

İlham Əliyev

Prezident İlham Əliyev "Bir sıra rayonlarda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında" sərəncam imzalayıb.

"Report" xəbər verir ki, sərəncamla əhalisi 29662 nəfər olan 5 rayonun 16 yaşayış məntəqəsində (siyahı əlavə olunur) əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 25 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.8.8-ci yarımbəndində göstərilmiş məbləğin 1,75 milyon (bir milyon yeddi yüz əlli min) manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

Qazılması nəzərdə tutulan subartezian quyularının yaşayış məntəqələri üzrə bölgüsünə dair siyahını təqdim edirik:

Sıra №-si	Rayonun adı	Quyuların sayı, ədəd	Yaşayış məntəqələrinin adı	Əhalinin sayı, nəfər
	Beyləqan	7	Aşağı Çəmənli kəndi	1483
			Baharabad qəsəbəsi	1006
			Dünyamalılar kəndi	7539
			Kəbirli kəndi	5060
			Mayak qəsəbəsi (2 quyu)	834
			Örənqala qəsəbəsi	2123
	Cəbrayıl (Biləsuvar rayonu ərazisi)	2	1 №-li qəsəbə	1600
	Füzuli	10	Alxanlı kəndi (2 quyu)	1800
			Aşağı Kürdmahmudlu kəndi	1235
			Aşağı Yağlıvənd kəndi	1720
			Birinci Mahmudlu kəndi (2 quyu)	822
			Əhmədbəyli kəndi	986
			İkinci Mahmudlu kəndi	1564
			Yuxarı Kürdmahmudlu kəndi (2 quyu)	1270
	Xocavənd	2	Nərgiztəpə ərazisi	70
	Şuşa (Ağdam rayonu ərazisi)	4	Mirzələr qış yatağı	550
Cəmi:		25	16	29 662