Özbəkistanlı deputat: “Azərbaycanda seçkilərin nəticələri ölkənin gələcək inkişafına xidmət edəcək”

Azərbaycanda növbədənkənar prezident seçkilərinin nəticələri ölkənin və xalqın gələcək inkişafına xidmət edəcək.

“Report”un Qərb bürosunun məlumatına görə, bunu Xankəndidə jurnalistlərə Özbəkistan Respublikası Ali Məclisi Senat Komitəsinin sədri Odiljon İminov deyib.

“Özbəkistan parlamentariləri növbədənkənar prezident seçkilərində səsvermə prosesini müşahidə etmək üçün Azərbaycan parlamenti tərəfindən dəvət olunub. Şuşada olduq, indi Xankəndidəyik. Burada hər şey beynəlxalq standartlara uyğundur. Seçkilərə hazırlıq yaxşı səviyyədə təmin edilir və standartlara cavab verir”, - o bildirib.