Ombudsmanın nümayəndəsi: “Mina problemi Qarabağdakı yenidənqurma işlərinə mane olur”

Azərbaycan Respublikasının İnsan Hüquqları üzrə Müvəkkili (Ombudsman) Aparatı rəhbərinin müavini Rəşid Rumzadə mina probleminin həm sülhə, həm də Qarabağdakı yenidənqurma işlərinə mane olduğunu bəyan edib.

“Report” xəbər verir ki, bunu Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə “Dayanıqlı inkişaf məqsədlərinə nail olmaq üçün sağlam ətraf mühit və minasız həyat” adlı Beynəlxalq Bakı Forumda çıxışında deyib.

O bildirib ki, Qarabağda infrastrukturun bərpası üçün ərazi tamamilə minalardan təmizlənməlidir:

“Bu, ciddi səy, uzun illər və maliyyə tələb edir. Təəssüf ki, beynəlxalq ictimaiyyətin bu məsələyə münasibəti adekvat deyil. Düşünürəm ki, bu barədə danışmaq lazımdır”.