Milli Məclisin deputatları tətilə çıxıb

Bakı. 2 yanvar. REPORT.AZ/ Milli Məclisin deputatları yanvarın 1-dən tətilə buraxılıblar. “Report” xəbər verir ki, Milli Məclisin Daxili Nizamnaməsinə əsasən, deputatlar yanvarın 15-dək məzuniyyətdə olacaqlar.

Qeyd edək ki, Nizamnaməyə əsasən, tətil dövründə Milli Məclisin növbədənkənar sessiyası çağırıldıqda Milli Məclisin tətili növbədənkənar sessiyanın keçirildiyi müddətə dayandırılır və deputatlar həmin müddətə məzuniyyətdən geri çağırılırlar.