Mehmet Balçik: "Meysari Grand Hotel & SPA" kompleksi regionun ən böyük hotellərindən biridir

Daxili siyasət

18 sentyabr, 2026
11:03

Mehmet Balçik: Meysari Grand Hotel & SPA kompleksi regionun ən böyük hotellərindən biridir

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

"Meysari Grand Hotel & SPA" kompleksi regionun ən böyük hotellərindən biridir.

"Report"un Prezidentin izi ilə Şamaxıya ezam olunmuş əməkdaşı xəbər verir ki, bunu jurnalistlərə açıqlamasında "Pasha Hospitality" şirkətinin baş icraçı direktoru Mehmet Balçik deyib.

Onun sözlərinə görə, regionun ən böyük hotellərindən biri olan "Meysari Grand Hotel & SPA" kompleksi 500 nəfəri qəbul etmək gücündədir:

Mehmet Balçik

"Bölgənin ən böyük hotellərindən biri hesab olunan bu kompleksin əsas binasında 88, ərazidəki 20 kottecdə isə 116 olmaqla ümumilikdə 204 otaq var. Əsas binada üç restoran, üç hovuz, fitnes zalları, türk hamamı fəaliyyət göstərir. Kompleks ən müasir SPA avadanlıqları ilə təchiz olunub. 420 nəfər üçün nəzərdə tutulan Nəsimi Konfrans Mərkəzində isə müxtəlif tədbirlərin keçirilməsi üçün hər bir şərait yaradılıb. Eyni zamanda, qonaqların rahatlığı üçün həm qapalı, həm də açıq avtodayanacaq zonaları qurulub".

Qeyd edək ki, Prezident İlham Əliyev və birinci xanım Mehriban Əliyeva sentyabrın 17-də Şamaxıda "Meysari Grand Hotel & SPA" kompleksinin açılışında iştirak ediblər.