Keçmiş məcburi köçkün: Valideynlərimlə çıxdığım Cəbrayıla övladlarımla qayıdıram

“Valideynlərimlə çıxdığım Cəbrayıla övladlarımla qayıdıram”.

Bunu “Report”a açıqlamasında bu gün Cəbrayıl şəhərinə köç edən keçmiş məcburi köçkün Hüseynov Nürəddin deyib.

Onun sözlərinə görə, Cəbrayılı görmək arzusu ilə doğmaları həyatdan köçüblər: “Şükürlər olsun ki, torpaqlarımız düşmən işğalından azad edilib. Hazırda isə həmin ərazilərdə təmir-bərpa və quruculuq işləri görülür, keçmiş köçkünlər öz doğma torpaqlarına qayıdırlar”.

Keçmiş məcburi köçkün Prezident, Müzəffər Ali Baş Komandan İlham Əliyevə, Birinci vitse-prezident Mehriban Əliyevaya, torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlığını ifadə edib, şəhidlərimizə rəhmət, qazilərimizə şəfa diləyib.