İmişlidə 112 yaşlı seçici seçki məntəqəsində səs verib 

81 saylı İmişli seçki dairəsi üzrə 112 yaşlı seçici növbədənkənar parlament seçkilərində səs verib.

"Report"un Muğan bürosunun məlumatına görə, İmişli rayonunun Qaraqaşlı kəndində yerləşən 29 saylı seçki məntəqəsində qeydiyyatda olan 1912-ci il təvəllüdlü Məmmədova Cahan Həsən qızı məntəqəyə gələrək səsvermə hüququndan istifadə edib.

Qeyd edək ki, 81 saylı İmişli seçki dairəsində 7 namizəd qeydə alınıb. 50 min 244 seçicinin qeydiyyatda olduğu seçki dairəsinin hüdudları daxilində 52 seçki məntəqəsi fəaliyyət göstərir. Altı məntəqədə veb kameralar quraşdırılıb.