Türkiyənin müdafiə nazirindən Dağlıq Qarabağla bağlı yeni açıqlama

“Dağlıq Qarabağda atəşkəsə nəzarət etmək üçün Birgə Monitorinq Mərkəzinin yaradılması üçün Rusiya ilə imzaladığımız memorandum çərçivə sənədidir, bunu tamamlamaq üçün üzərində işləmək lazımdır”.

“Report” “Hürriyet”ə istinadən xəbər verir ki, bunu Türkiyə Milli Müdafiə naziri Hulusi Akar söyləyib.

O qeyd edib ki, bununla bağlı Rusiyadan nümayəndə heyəti Türkiyəyə səfər edib: “Müzakirələr aparılıb, qarşılıqlı çalışmamız davam edir”.

Nazir Ermənistanın işğal etdiyi Azərbaycan ərazilərindən geri çəkilərkən evləri, meşələri yandırmasını pisləyib.