"Commonwealth of Nations": İqlim maliyyəsi ilə bağlı razılıq əldə olunmalıdır

İqlim maliyyəsi ilə bağlı razılıq əldə olunmalıdır.

"Report" xəbər verir ki, bunu COP29 çərçivəsində jurnalistlərə açıqlamasında Millətlər Birliyi təşkilatının ("Commonwealth of Nations") Baş katibi Patrisia Canet Skotland bildirib.

"Bizim başqa seçimimiz yoxdur. İnkişaf etməkdə olan kiçik ada dövlətləri ya dəniz səviyyəsinin qalxması nəticəsində su altında qalır, ya da iqlim böhranı səbəbindən aldıqları borcları ödəyə bilmirlər", - o vurğulayıb.

Qonağın sözlərinə görə, bu mənada dünya kiçik ada dövlətlərinin mövcudiyyatı ilə bağlı qərar verməlidir: "Mövcudluqla bağlı təhdidlər sabahın deyil, məhz bu günün problemidir. Odur ki, planeti xilas etmək üçün maliyyə vəsaiti tapmalıyıq".