“Lufthansa" Almaniya hökuməti ilə yardım paketini razılaşdırıb

Almaniya hökuməti “Lufthansa” milli aviadaşıyıcısına veto hüququna malik səhm paketi və nəzarət şurasında bir və ya iki yer qarşılığında yardım paketi ayırmağa razılıq verib.

“Report” xarici mətbuata istinadən xəbər verir ki, yardımın ümumi miqdarı təxminən 9 milyard avro (9,74 milyard ABŞ dolları) olacaq.

Qeyd edək ki, Almaniya hökuməti və “Lufthansa” rəsmiləri hələlik məsələ ilə bağlı açıqlama verməyib.