Zəngin ailələrin sərvəti 2030-cu ilə qədər 9,5 trilyon dollara yüksələcək

Fövqəlzəngin ailələrin sərvəti 2030-cu ilə qədər 73 % artaraq, ailə ofisləri tərəfindən idarə olunan hazırkı 5,5 trilyon dollardan 9,5 trilyon dollara qədər artacaq.

“Report” xəbər verir ki, bu barədə “Bloomberg” “Deloitte” konsaltinq şirkətinin hesabatına istinadən məlumat yayıb.

Agentlik qeyd edib ki, ailə aktivlərini idarə edən ailə ofisləri ölçüsünə görə hedcinq fondlarına çatır. Zənginlər üçün investisiya firmalarının sayının eyni dövrdə üçdə bir artaraq 10 720-yə çatması gözlənilir.

“Bloomberg” vurğulayıb ki, “Deloitte” hesabatında qeyd olunan ailə ofislərində 2 milyard dollarlıq aktivləri idarə edən orta hesabla 15 işçi var.