​Vergilər Nazirliyi vergi ödəyicilərinə müraciət edib

Bakı. 5 aprel. REPORT.AZ/ Sadələşdirilmiş verginin ödəyiciləri hesabat rübündən sonrakı ayın 20-dən gec olmayaraq ödənməli olan verginin məbləği haqqında vergi orqanına bəyannamə verməli və həmin müddətdə hesablanmış vergini dövlət büdcəsinə ödəməlidir. “Report” xəbər verir ki, bu barədə Vergilər Nazirliyinin sadələşdirlimiş vergi ödəyicilərinə etdiyi müraciətdə deyilir.

"Sadələşdirilmiş vergi ödəyicisinin 1-dən artıq təsərrüfat subyekti (obyekti) varsa, o, eyni zamanda, “Sadələşdirilmiş verginin bəyannaməsi”nə 3 nömrəli Əlavəni də tərtib edərək təqdim etməlidir”, - deyə müraciətdə qeyd olunub.