Türkiyə vətəndaşı Azərbaycanda böyük kapitalla yeni şirkət yaradıb

İqtisadiyyat Nazirliyi yanında Dövlət Vergi Xidməti "Mach Havacılık" MMC-ni dövlət qeydiyatına alıb.

"Report" xəbər verir ki, yeni şirkətin hüquqi ünvanı Bakı şəhəri, Nərimanov rayonu, Əhməd Rəcəbli küçəsi, 1, nizamnamə kapitalı 34 milyon manat, qanuni təmsilçisi isə Mehmet Ali Nartdır.

O, Türkiye Teknoloji Takımı Vakfının (T3 Vakfı) İdarə Heyətinin üzvüdür. Bu qurum 2022-ci ilin may ayında Bakıda keçirilmiş "TEKNOFEST Azərbaycan" Aerokosmik və Texnologiya festivalının təşkilatçılarından biri olub.