Səfir: "Azərbaycan və Litva arasında ticarət dövriyyəsi son 4 ildə 2 dəfə artıb"

"Son 4 ildə Azərbaycanla Litva arasında ticarət dövriyyəsi təxminən 2 dəfə artıb".

Bunu "Report"a açıqlamasında Litvanın Azərbaycandakı səfiri Eqidiyus Navikas deyib.

"Əgər 2019-cu ildə ticarət dövriyyəsi 30 milyon dollara yaxın idisə, indi bu rəqəm 60 milyon təşkil edir. Bu da o deməkdir ki, iqtisadi əlaqələr də müsbət istiqamətdə inkişaf edir", - səfir bildirib.

Səfir onu da vurğulayıb ki, Litva Azərbaycanda Aİ tərəfindən maliyyələşdirilən tvinninq layihələri həyata keçirir: “Bakıda demək olar ki, bütün nazirliklərlə layihələrimiz var. Bunlar o qədər də böyük layihələr deyil və onların başa çatdırılması təxminən iki il çəkə bilər”.

Müsahibənin tam versiyasını buradan oxuya bilərsiniz.