Rusiyanın Rostov vilayətinin biznes nümayəndələri Azərbaycana səfər edib

Azərbaycan-Rusiya İşgüzar Şurası və qonşu ölkənin Rostov vilayətinin Ticarət və Sənaye Palatasının dəstəyi ilə Rostovdan olan müəssisələrin nümayəndələrinin ölkəmizə biznes-missiyası təşkil olunub.

"Report" İqtisadiyyat Nazirliyinə istinadən xəbər verir ki, biznes-missiya çərçivəsində kənd təsərrüfatı, gəmiqayırma, logistika, balıqçılıq, tikinti və tibb sahələrində fəaliyyət göstərən Azərbaycan və Rostovdan olan müəssisələrin nümayəndələri arasında ikitərəfli görüşlər keçirilib.

Rostovdan olan nümayəndə heyəti həmçinin, Səhiyyə, Ekologiya və Təbii Sərvətlər nazirliklərinin, “Azərbaycan Xəzər Dəniz Gəmiçiliyi” QSC-nin nümayəndələri ilə görüşüb, fikir mübadiləsi aparıblar, paytaxtın Qaradağ rayonunun Ələt qəsəbəsindəki Bakı Beynəlxalq Dəniz Ticarət Limanı ilə tanış olublar.