Rusiyanın Oryol vilayətindən Bakıya işgüzar missiya gələcək

Oktyabrın 21-23-də Rusiyanın Oryol vilayətinin İxraca Dəstək Mərkəzi Bakıya işgüzar missiya göndərəcək.

"Report" xəbər verir ki, məqsəd Azərbaycanda ixtisaslaşmış potensial tərəfdaşları seçmək, Oryoldakı müəssisələr haqqında məlumat yaymaq, onların məhsulları ilə maraqlanan potensial alıcılarla azı 10 görüş keçirmək, Azərbaycanın müvafiq dövlət qurumlarında fərdi görüşlər keçirmək, istehsal müəssisələrinə baş çəkməkdir.

B2B danışıqlarının razılaşdırıldığı Azərbaycan şirkətlərinin ətraflı proqramı və siyahısı işgüzar səfərin başlamasına təxminən iki həftə qalmış formalaşdırılacaq.