Naxçıvanda vergi ödəyicilərinin sayı 7 %-dən çox artıb

Bu il fevralın 1-nə Naxçıvan Muxtar Respublikasında 54 536 vergi ödəyicisi olub.

"Report"un yerli bürosu xəbər verir ki, bu, ötən il fevralın 1-i ilə müqayisədə 7,3 % çoxdur.

Vergi ödəyicilərinin 94,7 %-i fiziki şəxslər, 5,3 %-i hüquqi şəxslər və digər təşkilatlardır. Son 1 ildə fərdi sahibkarların sayı 7,4 %, idarə, müəssisə və təşkilatların sayı isə 5,4 % artıb.

Bu il yanvarın sonuna qeydiyyatda olan kommersiya qurumlarının sayı isə 1 il əvvələ nisbətən 15,1 % çox – 1 791 vahid təşkil edib.

Kommersiya qurumlarının 86,7 %-i elektron qaydada qeydiyyata alınıb.