IMF: Azərbaycan iqlim mövzusunda əməkdaşlıq məsələsinə xüsusi diqqət yetirir

Azərbaycan iqlim mövzusunda əməkdaşlıq məsələlərinə xüsusi diqqət yetirir və bu istiqamətdə addımlar atır.

"Report" xəbər verir ki, bunu Beynəlxalq Valyuta Fondunun (IMF) Gəlirlər İdarəsinin direktor müavini Marqaret Kotton İqtisadiyyat Nazirliyi yanında Dövlət Vergi Xidmətinin təşkilatçılığı ilə Bakıda keçirilən karbon qiymətləndirilməsi üzrə beynəlxalq konfransda bildirib.

Onun sözlərinə görə, beynəlxalq təşkilatların rəhbərləri iqlim məsələlərində birgə əməkdaşlığı təşviq edirlər: "Bu hər kəs üçün vacib və diqqət edilməli məsələdir. Həmçinin yerli əməkdaşlıq da mühüm amildir".