Azərbaycanın ət idxalı 10 % azalıb

Bu il yanvar-oktyabr aylarında Azərbaycan 32 min 463 ton ət idxal edib.

“Report” Dövlət Gömrük Komitəsinə istinadən xəbər verir ki, bu həcmdə ətin dəyəri 54 milyon 857 min ABŞ dolları təşkil edib.

Bu, ötən ilin eyni dövrü ilə müqayisədə müvafiq olaraq 3 700 ton ( 10,2 %) və 11 milyon 105 min ABŞ dolları (16,8 % ) azdır.

Hesabat dövründə ət idxalına çəkilən xərc Azərbaycanın ümumi idxal xərclərinin 0,6 %-ni təşkil edib.