Azərbaycanda meyvə şirəsi istehsalı 8 %-ə yaxın azalıb

Bu ilin yanvar-noyabr aylarında Azərbaycanda 3 milyon 909 min dekalitr meyvə şirəsi istehsal edilib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 7,6 % azdır.

Hesabat dövrünə Azərbaycanda 163 min 523,7 ton meyvə-tərəvəz konservləri istehsal edilib ki, bu da, illik müqayisədə 4,2 % azdır.

Dekabrın 1-nə ölkədə 634,6 min dekalitr meyvə şirəsi ehtiyatı, 25 min 072,8 ton isə meyvə-tərəvəz konservləri ehtiyatı yaranıb. Bu da, illik müqayisədə müvafiq olaraq 19,9 % və 5,8 % azdır.