Azərbaycan KOB-ları Bilişim Vadisinin imkanlarından istifadə edə biləcəklər

Azərbaycanın kiçik və orta biznes (KOB) subyektləri və startapları Türkiyənin Bilişim Vadisinin imkanlarından istifadə edə biləcəklər.

"Report" xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) sədri Orxan Məmmədov tviter hesabında bildirib.

"Bununla bağlı Bilişim Vadisi ilə Niyyət Protokolu imzaladıq. Baş müdür Əhməd bəylə sənəddən irəli gələn məsələləri, əməkdaşlıq imkanlarını müzakirə etdik", - deyə o qeyd edib.