Azərbaycan əsas tədarük bazarından arı tədarükünü 10 dəfə artırıb

Bu ilin yanvar-may aylarında Azərbaycan 164,9 min ABŞ dolları dəyərində 60 470 ədəd arı idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrünün göstəricisindən dəyər ifadəsində 38 %, kəmiyyət olaraq – 8 dəfə çoxdur.

Hesabat dövründə Azərbaycan Türkiyədən 150,9 min ABŞ dolları dəyərində (bir il əvvəlki göstəricidən 64 % çoxdur) 60 062 ədəd (+10 dəfə) və İsraildən 13,9 min ABŞ dolları dəyərində (-48 %) 408 ədəd (-63 %) arı alıb.

2023-cü ildə Azərbaycana 3 ölkədən idxal edilmiş 17 562 ədəd arının 81,3 %-i Türkiyənin payına düşüb.