Azərbaycan əsas tədarük bazarına yod ixracını iki dəfədən çox artırıb

Bu ilin I yarısında Azərbaycan 5,5 milyon ABŞ dolları dəyərində 97 ton yod ixrac edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, ötən ilin eyni dövrünün göstəricisindən dəyər ifadəsində 12 % azdır, kəmiyyət olaraq – 20 % çoxdur.

Hesabat dövründə Azərbaycan Rusiyaya 1,5 milyon ABŞ dolları dəyərində (bir il əvvəlki göstəricidən 44 % azdır) 25 ton (-17 %), Çinə 2 milyon ABŞ dolları dəyərində (-20 %) 36 ton (dəyişməyib) və Hindistana 2 milyon ABŞ dolları dəyərində (+92 %) 36 ton (+2,4 dəfə) məhsul satıb.

2023-cü ildə Azərbaycandan 4 ölkəyə ixrac edilmiş 231 ton yodun 41,5 %-i Hindistanın, 39 %-i Çinin payına düşüb.