Azərbaycan buğda idxalını 34 % artırıb

Bu ilin yanvar-iyul aylarında Azərbaycan 578 min 3 ton buğda idxal edib.

“Report” Dövlət Gömrük Komitəsinə istinadən xəbər verir ki, bu həcmdə buğdanın dəyəri 164 milyon 684 min ABŞ dolları olub.

Bunlar, ötən ilin eyni dövrü ilə müqayisədə həcm baxımından 148 min 197 ton (34,4 % ), dəyər baxımından isə 10 milyon 24 min ABŞ dolları (6,4%) çoxdur.

Hesabat dövründə buğda idxalı xərcləri Azərbaycanın ümumi idxal xərclərinin 1,7 %-ni təşkil edib.