Azərbaycan bu il Ulyanovskdan 103 ton kolbasa idxal edib

Bu ilin əvvəlindən Azərbaycan Rusiyanın Ulyanovsk vilayətindən 103 ton kolbasa məhsulları idxal edib.

“Report” bu barədə xarici mətbuata istinadən xəbər verir.

Məlumata görə, təkcə avqust ayında isə Azərbaycan Ulyanovskdan 17 ton kolbasa məhsulları alıb.

Vilayətin aqrar-sənaye kompleksi və kənd ərazilərinin inkişafı naziri bildirib ki, satış “Beynəlxalq əməkdaşlıq və ixrac” milli layihəsi çərçivəsində həyata keçirilir.

İxrac edilən bütün məhsullar alıcı ölkənin tələblərinə cavab verib, onların keyfiyyəti və təhlükəsizliyi akkreditə olunmuş laboratoriyalarda təsdiqlənib. Məhsullarda baytarlıq qanunvericiliyinin pozulması halları müəyyən edilməyib.