Azərbaycan 2 ölkədən ütü tədarükünü bərpa edib

Ötən il Azərbaycana 6,75 milyon ABŞ dolları dəyərində 348 min 531 ədəd elektrik ütü idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 58 %, kəmiyyət olaraq – 47 % çoxdur.

Hesabat dövründə Azərbaycan Çindən 3,68 milyon ABŞ dolları dəyərində (bir il əvvəlki göstəricidən 31 % çoxdur) 292 min 814 ədəd (+40 %), Fransadan 2,3 milyon ABŞ dolları dəyərində (+3,4 dəfə) 35 min 353 ədəd (+3,3 dəfə), İndoneziyadan 313,11 min ABŞ dolları dəyərində (-16 %) 4 min 884 ədəd (-1,1 %), Misirdən 265,31 min ABŞ dolları dəyərində (+3,5 dəfə) 7 min 902 ədəd (+2,5 dəfə), Türkiyədən 124,56 min ABŞ dolları dəyərində (+47 %) 1 min 923 ədəd (-40 %) ütü alıb.

Azərbaycan 1 il 5 aylıq fasilənin ardından Yaponiyadan (0,31 min ABŞ dolları dəyərində 24 ədəd) və 1 il 2 aylıq aradan sonra Honkonqdan (3 min ABŞ dolları dəyərində 210 ədəd) tədarük bərpa edilib.