ATİB Qarabağla bağlı proqram hazırlayıb

“Azərbaycan-Türkiyə İş Adamları Birliyi (ATİB) Qarabağla bağlı böyük proqram hazırlayıb”.

“Report” xəbər verir ki, bunu ATİB-in İdarə Heyətinin sədri Camal Yanğın Bakıda keçirilən “UNEC İqtisadi Forumu”nda deyib.

“Qarabağda isgaldan əvvəl nələr var idisə, ilk növbədə onlar bərpa edilməli, həmin bölgəyə uyğun sərmayələr qoyulmalıdır. Məsələn, Ağdam deyiləndə ağlımıza ilk öncə kənd təsərrüfatı gəlir, bununla əlaqədar təklif hazırlamışıq. Füzuli və Kəlbəcərlə bağlı da planlarımız var, lakin bölgənin Baş plan hazırlanmadan konkret nəsə demək çətindir. Bir şey aydındır ki, insan resurslarına böyük ehtiyac olacaq”, - deyə o, qeyd edib.