Yuxarı
    Bağlamaq

    ​I Avropa Oyunları çərçivəsində Bakıda "Rusiya Evi" açılacaq

    Vladimir Putin Bakıda keçiriləcək ilk Avropa Oyunlarının açılışında iştirak edəcək

    Bakı. 22 may. REPORT.AZ/ I Avropa Oyunları çərçivəsində Bakıda "Rusiya Evi" açılacaq. "Report" Rusiya İnformasiya və Mədəniyyət Mərkəzinə (RİMM) istinadən xəbər verir ki, Bakıda "Rusiya Evi" iyunun 11-dən 28-dək hər gün saat 9:00-dan 21:00-dək fəaliyyət göstərəcək. "Rossotrudniçestvo" təşkilatının Azərbaycandakı nümayəndəliyinin rəhbəri Valentin Denisov Bakıda "Rusiya evi"nin perspektivlərini şərh edərkən vurğulayıb ki, Avropa Oyunlarının ölkədə keçirilməsi hüququnu Azərbaycan təsadüfi qazanmayıb: "Ölkədə bir çox idman növləri sürətlə inkişaf edir, yalnız Bakıda deyil, respublikanın bütün bölgələrində də güclü idman bazası yaradlıb. Mən əminəm ki, Azərbaycanda Avropa Oyunları Olimpiya səviyyəsində keçiriləcək".

    Onun sözlərinə görə, bu gün Azərbaycanda bir çox görkəmli idmançılar, Olimpiya oyunlarının və digər beynəlxalq idman tədbirlərinin iştirakçıları və qalibləri yaşayır.

    Onların hamısı Bakıdakı oyunlarda öz Rusiyalı idman dostlarının gələcəklərinə ümid edirlər. Bu kimi veteranların görüşləri məhz "Rusiya Evində" keçiriləcək.

    Qeyd edək ki, Kremlin mətbuat xidmətinin məlumatına görə, Rusiya prezidenti Vladimir Putin Azərbaycana səfər və Bakıda I Avropa Oyunlarının rəsmi açılış mərasimində iştirak edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi