Paris-2024: 35 ölkə Rusiya və Belarus idmançılarının iştirakına qarşı çıxıb

Dünyanın 35 ölkəsi Rusiya idmançılarının Paris-2024 Yay Olimpiya Oyunlarında iştirakına qarşı çıxıb.

“Report” xəbər verir ki, bu barədə “Reuters” məlumat yayıb.

Bildirilib ki, idman nazirlərinin onlayn sammiti zamanı bu barədə qərar qəbul olunub. ABŞ, Almaniya, Fransa, Böyük Britaniya, Avstraliya, Çexiya və Yaponiya bunu dəstəkləyən ölkələr sırasındadırlar.

Polşa tərəfi isə Rusiya və Belarusdan olan qaçqın idmançılardan ibarət olimpiya komandasının yaradılmasını təklif edib.

Onlayn iclasda Ukrayna Prezidenti Vladimir Zelenski də iştirak edib.

Qeyd edək ki, olimpiada 2024-cü il iyulun 26-dan avqustun 11-dək Fransada keçiriləcək.