"RDY Logistika" Azərbaycana günəbaxan şrotunun sınaq göndərişini təşkil edib

"RDY Logistika" Privoljsk dəmir yolunun Balakovo stansiyasından Azərbaycana günəbaxan şrotunun sınaq göndərişini təşkil edib.

Bu barədə “Report” şirkətə istinadən xəbər verir.

"Rusiyanın ən böyük aqrosənaye holdinqlərindən birinin ümumi çəkisi 1 500 ton olan günəbaxan şrotu ilə hopper vaqonları Biləcəri stansiyasına çatdırılacaq. Bu istiqamətin aktiv inkişafı planlaşdırılır", - şirkətdən bildirilib.

"RDY Logistika"nın Saratovdakı filialının direktoru Vera Vtorıgina qeyd edib ki, yükgöndərənlərin "Şimal-Cənub" Beynəlxalq Nəqliyyat Dəhlizinə artan marağını nəzərə alaraq, şirkət ondan istifadə etməklə nəqliyyat həllərinin təkmilləşdirilməsi üzrə sistemli iş aparır.

"Şimal-Cənub” Beynəlxalq Nəqliyyat Dəhlizi Avrasiya məkanındakı ölkələr arasında səmərəli əlaqəni təmin edir ki, bu da ticarətin və iqtisadi əlaqələrin inkişafına töhfə verir", - o vurğulayıb.