Naxçıvanda kənd təsərrüfatı istehsalı 1 %-dən çox artıb

Bu ilin yanvar-sentyabr aylarında Naxçıvan Muxtar Respublikasında 275,6 milyon manatlıq kənd təsərrüfatı məhsulu istehsal olunub.

Bu barədə "Report"un yerli bürosuna Naxçıvanın Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 1,2 % çoxdur.

Son 1 ildə muxtar respublikada istehsal olunmuş bitkiçilik məhsullarının dəyəri 1,8 % artaraq 158,2 milyon manat, heyvandarlıq məhsullarının dəyəri isə 0,5 % artaraq 117,3 milyon manat olub.