Cəlilabadda bu il vələmir sahələri 850 hektara yaxın azaldılıb

Bu mövsüm Cəlilabad rayonunda vələmir sahələri 850 hektara yaxın azaldılıb.

Bu barədə "Report"un yerli bürosuna Cəlilabad Rayon Statistika İdarəsindən məlumat verilib.

Məlumata görə, bu il 3 160 hektar sahədə vələmir bitkisi əkilib. Ötən il bu rəqəm 4 000 hektara bərabər olub.

Vələmirin məhsuldarlığı isə ötən il hektara 19.6 sentner olub.

Ümumilikdə isə, ötən il sahələrdən 7 722 ton məhsul toplanıb.