Azərbaycan yağ idxalını 9 % azaldıb

Bu il yanvar-oktyabr aylarında Azərbaycan 12 min 488 ton kərə yağı və süddən hazırlanmış digər yağlar idxal edib.

“Report” Dövlət Gömrük Komitəsinə istinadən xəbər verir ki, bu həcmdə yağın dəyəri 64 milyon 573 min ABŞ dolları təşkil edib.

Bu, ötən ilin eyni dövrü ilə müqayisədə müvafiq olaraq 1 219 ton ( 8,8 % ) və 2 milyon 913 min ABŞ dolları ( 4,3 % ) azdır.

Hesabat dövründə kərə yağı və süddən hazırlanmış digər yağların idxalına çəkilən xərc Azərbaycanın ümumi idxal xərclərinin 0,7 %-ini təşkil edib.