Azərbaycan süd idxalını 34% artırıb

Bu ilin yanvar ayında Azərbaycan 737 ton süd idxal edib.

“Report” Dövlət Gömrük Komitəsinə istinadən xəbər verir ki, bu həcmdə südün dəyəri 992 min ABŞ dollar təşkil edib.

Bu, ötən ilin müvafiq dövrü ilə müqayisədə həcm ifadəsində 188 ton (34,4 % ), dəyər ifadəsində isə 198 min ABŞ dollar (24,9 %) çoxdur.

Azərbaycanda ötən ay 159,2 min ton süd istehsal edib, bu isə ötən ilin eyni dövrü ilə müqayisədə 1,4 % çoxdur.