Azərbaycan Qazaxıstandan qoyun idxalını bərpa edib

Bu ilin yanvar-iyun aylarında Azərbaycana 2,96 milyon ABŞ dolları dəyərində 37 min 139 ədəd diri qoyun idxal edilib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 2,4 dəfə, kəmiyyət olaraq – 2,1 dəfə azdır.

Hesabat dövründə Azərbaycana Gürcüstandan 2,15 milyon ABŞ dolları dəyərində (bir il əvvəlki göstəricidən 25 % azdır) 28 min 959 ədəd (-7,5 %), Rusiyadan 775 min ABŞ dolları dəyərində (-5 dəfə) 7 min 680 ədəd (-6 dəfə) və Qazaxıstandan 32,13 min ABŞ dolları dəyərində 500 ədəd qoyun gətirilib.

Azərbaycan 2 il 6 aylıq fasilənin ardından Qazaxıstandan qoyun tədarükünü bərpa edib.