Azərbaycan pomidor ixracından gəlirini 8 %-dən çox artırıb

2024-cü ildə Azərbaycan 175,4 milyon ABŞ dolları dəyərində 145,6 min ton pomidor ixrac edib.

"Report" bu barədə Kənd Təsərrüfatı Nazirliyinə istinadən xəbər verir.

Məlumata görə, bunlar, 2023-cü illə müqayisədə müvafiq olaraq 8,3 % və 3,6 % çoxdur.

"İl ərzində ölkəmizin ixrac etdiyi istixana məhsullarının sırasında pomidor üstünlük təşkil edib", - deyə məlumatda qeyd olunub.