Azərbaycan çay idxalını və ixracını artırıb

Bu ilin yanvar-fevral aylarında Azərbaycana 1 921 ton çay idxal edilib.

“Report” Dövlət Gömrük Komitəsinə istinadən xəbər verir ki, bu həcmdə çayın dəyəri 10 milyon 297 min ABŞ dolları təşkil edib.

Bu, 2022-ci ilin müvafiq dövrü ilə müqayisədə həcm baxımdan 176 ton (10 %), dəyər baxımından isə 1 milyon 919 min ABŞ dolları (22, 9 %) çoxdur.

Hesabat dövründə çay idxalı Azərbaycanın ümumi idxalının 0,39 %-ini təşkil edib.

Həmçinin, bu ilin yanvar-fevral aylarında Azərbaycan 125 ton çay ixrac edib. Bu həcmdə çayın dəyəri 1 milyon 094 min ABŞ dolları olub. Bu, 2022-ci ilin müvafiq dövrü ilə müqayisədə həcm baxımından 15 ton (13,6 %), dəyər baxımından isə 202 min ABŞ dolları (22,6 %) çoxdur.