Azərbaycan buğda idxalını 26,5 % artırıb

Bu ilin yanvar-may aylarında Azərbaycan 450 min 152 ton buğda idxal edib.

“Report” Dövlət Statistika Komitəsinə istinadən xəbər verir ki, bu həcmdə buğdanın dəyəri 134 milyon 904 min ABŞ dollar olub.

Bu, həcm baxımından 2022-ci ilin müvafiq dövrü ilə müqayisədə 94 min 527 ton (26,5 %), dəyər baxımından isə 10 milyon 755 min ABŞ dolları (8,7 %) çoxdur.

Buğda idxalı Azərbaycanın ümumi idxalının 2,42 %-ini təşkil edib.

May ayında ölkəyə idxal edilmiş ərzaqlıq buğdanın 1 tonunun orta qiyməti 465,98 manat təşkil edib. Bu il ölkə ərazisində 1 milyon 058 min 398,9 hektar sahədə taxıl əkilib ki, bunun 658 min 383,7 hektarı buğda, 400 min 015,2 hektarı isə arpa sahəsidir.