Yuxarı
    Bağlamaq

    Ekspertlər: FED bu il uçot dərəcəsini iki dəfə artıracaq

    ABŞ-ın iqtisadi artımı ilə bağlı proqnozlar zəifləməyə başlayıb

    Bakı. 14 aprel. REPORT.AZ/ ABŞ Federal Ehtiyat Sistemi (FED) 2017-ci ildə uçot dərəcəsini daha 2 dəfə artıracaq.

    "Report" "İnterfax" agentliyinə istinadən xəbər verir ki, bu barədə məlumat "The Wall Street Journal"ın aprelin 7-11-də 61 iqtisadçı-respondent arasında apardığı sorğunun nəticələrinə əsasən verilib. Sorğuda iştirak edənlərin hamısı iyun ayında uçot dərəcəsinin artırılacağını bildirib. Lakin növbəti artımı respondentlərin 66,7%-i sentyabr, 31,1%-i isə dekabr ayında gözlədiklərini ehtimal ediblər.

    Həmçinin, qəzetdə dərc olunan məqalədə analitiklərin ABŞ iqtisadiyyatının gələcəyi barədə gözləntilərinin pisləşdiyi bildirilir. Belə ki, onlar ABŞ Prezidenti Donald Trampın seçkiöncəsi iqtisadi vədlərinə şübhə ilə yanaşmağa başlayıblar. Sorğuda iştirak edən ekspertlərin orta proqnozuna görə, 2017-ci ilin ilk rübündə ABŞ iqtisadiyyatının illik müqayisədə 1,4% artacağı proqnozlaşdırılır. Mart ayında bu gözləntilər 1,9%, dekabrda isə 2,3% olub. Martda ABŞ-da resessiya olacağını ehtimal edənlər 14% təşkil edirdisə, apreldə bu göstərici 16%-ə çatıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi