Zaxarova: İrana yardımın çatdırılmasında göstərdiyi köməyə görə Azərbaycana minnətdarıq

Rusiya İrana humanitar yardımın çatdırılmasının təşkilində göstərdiyi köməyə görə Azərbaycan hökumətinə minnətdarlığını bildirib.

"Report" yerli KİV-ə istinadən xəbər verir ki, bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova brifinqdə danışıb.

O xatırladıb ki, martın 27-də "Astara" sərhəd-keçid məntəqəsində dərmanların ikinci böyük partiyası təhvil verilib.

M.Zaxarovanın sözlərinə görə, dəmir yolu ilə 300 tondan çox dərman preparatı, eləcə də Dağıstanda toplanmış əlavə 150 tona yaxın humanitar yardım avtomobil karvanı ilə çatdırılıb: "Biz göstərilən köməyə görə Azərbaycan hökumətinə minnətdarıq".