Türkiyə səfiri: “Qars müqaviləsi regionda hazırkı münasibətlər üçün əsasdır”

Türkiyə səfiri: “Qars müqaviləsi regionda hazırkı münasibətlər üçün əsasdır” “Yüz il bundan öncə imzalanmış Qars müqaviləsi regionda hazırkı münasibətlər üçün əsasdır”.
Xarici siyasət
159
13 Oktyabr , 2021 12:56
Türkiyə səfiri: “Qars müqaviləsi regionda hazırkı münasibətlər üçün əsasdır”
Fatma Ceren Yazqan

“Yüz il bundan öncə imzalanmış Qars müqaviləsi regionda hazırkı münasibətlər üçün əsasdır”.

“Report”un yerli bürosu xəbər verir ki, bunu Türkiyənin Gürcüstandakı səfiri Fatma Ceren Yazqan Birinci kanalın efirində yayımlanan “Müstəqil baxış” proqramına müsahibəsində deyib.

Onun sözlərinə görə, bu sənəd bölgə ölkələri və xalqları arasında yaxşı, müasir və sivil münasibətlərin qurulmasının mümkünlüyünü sübut edir: “Qars müqaviləsinin imzalanması həm də onu göstərir ki, saysız müharibələrdən sonra diplomatlar, Qafqaz dövlətlərinin nümayəndələri müzakirələr üçün bir araya gələ bilər. İkinci Qarabağ müharibəsindən sonra Azərbaycanın ərazilərinin Ermənistanın işğalından azad etməsi ilə kommunikasiyaların açılması, ikitərəfli münasibətlərlə bağlı yeni imkanlar barədə danışılır. Bu imkanlarla bağlı müzakirələrin aparılması mümkündür. Əvvəllər də belə müzakirələr aparmışıq. Ulu babalarımız bunu uğurla həyata keçirib”.

Diplomat qeyd edib ki, Qars müqaviləsinə 70 il ərzində istinad edilib: “Türkiyə və Gürcüstan arasında münasibətlərin 30-cu ildönümündə ölkələrimiz arasında münasibətlər suverenlik və ərazi bütövlüyünə hörmətə əsaslanır”.

Son xəbərlər

Orphus sistemi