Türkiyə MTŞ-nin iclasında Azərbaycanla Ermənistan arasında sülh prosesi müzakirə edilib

Türkiyə Azərbaycan və Ermənistanın sülh sazişi layihəsi üzrə razılığa gəlməsindən məmnundur.

“Report” xəbər verir ki, bu barədə Prezident Rəcəb Tayyib Ərdoğanın sədrliyi ilə keçirilən Türkiyə Milli Təhlükəsizlik Şurasının iclasının yekun bəyanatında qeyd olunub.

Bildirilib ki, iclasda bölgədə bütün aktorların mənafeyinə uyğun nəticələr verəcək yekun sülhün bərqərar olması üçün lazımi şəraitin təmin ediləcəyinə dair gözləntilər bir daha təsdiqlənib.