Səfir Səudiyyənin nazir müavini ilə qarşılıqlı maraq doğuran məsələləri müzakirə edib

Azərbaycanın Səudiyyə Ərəbistanındakı səfiri Şahin Abdullayev krallığın Beynəlxalq Çoxtərəfli Məsələlər üzrə nazir müavini və İctimai Diplomatiya Departamentinin baş nəzarətçisi Əbdülrəhman əl-Rassi ilə görüşüb.

“Report” xəbər verir ki, bu barədə Yaxın Şərq ölkəsinin Xarici İşlər Nazirliyinin mətbuat xidməti bildirib.

“<…> Əl-Rassi Səudiyyə Ərəbistanındakı Azərbaycan səfiri cənab Şahin Abdullayevi qəbul edib və görüş zamanı qarşılıqlı maraq doğuran məsələlər müzakirə olunub”, – XİN-in sosial şəbəkə hesabında diqqətə çatdırılıb.

Görüşün təfərrüatları barədə məlumat verilməyib.

Xatırladaq ki, daha əvvəl azərbaycanlı diplomat krallığın xarici işlər nazirinin siyasi məsələlər üzrə müavini Səud əl-Səti ilə görüşmüşdü.