Səfir: “Özbəkistanın TDT-nin tamhüquqlu üzvü olması Azərbaycanla əməkdaşlığını gücləndirib”

“Özbəkistanın Türk Dövlətləri Təşkilatına (TDT) tamhüquqlu üzv olması Azərbaycanla əlaqələrini daha da möhkəmləndirdi”.

“Report” xəbər verir ki, bunu Azərbaycanın Özbəkistandakı səfiri Hüseyn Quliyev Bakıda Beynəlxalq Münasibətlərin Təhlili Mərkəzinin təşkilatçılığı ilə “Özbəkistan və Azərbaycan: əməkdaşlığın yeni üfüqləri” mövzusunda keçirilən Dəyirmi masada deyib.

Onun sözlərinə görə, TDT türk ölkələri arasında mühüm birləşdirici rol oynayır və türk dünyasındakı vacib məsələləri həll edir: "İki ölkə arasında əlaqələr dinamik və hərtərəfli inkişaf edir".

Diplomat 2020-ci ildə İkinci Qarabağ müharibəsi zamanı Özbəkistanın Azərbaycana göstərdiyi dəstəyi də xüsusi vurğulayıb.