Səfir azərbaycanlılara Türkiyəyə ianələrini hansı bank hesablarına etmələrini paylaşıb

Azərbaycanın səfiri Rəşad Məmmədov ölkə vətətəndaşlarını Türkiyəyə ianələrini hansı bank hesablarına etmələrini paylaşıb.

“Report” xəbər verir ki, o, bu barədə tviterdə yazıb.

“Türkiyədə zəlzələdən zərər çəkmiş vilayətlərdə görülən işlərə dəstək olmaq istəyən vətəndaşlarımız aşağıdakı bank hesab nömrələri vasitəsilə ianə edə bilərlər”, - o yazıb.

Türkiyə Respublikasında zəlzələdən zərər çəkmiş vilayətlərdə görülən işlərə dəstək olmaq istəyən vətəndaşlarımız aşağıdakı bank hesap nömrələri vasitəsilə ianə edə bilərlər. pic.twitter.com/LMfx6Kp8pQ

— Dr. Rashad Mammadov (@R_Eynaddinoglu) February 10, 2023

Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Son məlumata görə, Türkiyədə dağıdıcı zəlzələ nəticəsində ölənlərin sayı 18 342 nəfərə çatıb. Təbii fəlakət nəticəsində 74 242 nəfər yaralanıb. Zəlzələdən sonra bölgədə 1509 afterşok qeydə alınıb.

Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Bundan başqa, ölkənin zəlzələ baş verən 10 şəhərində 3 aylıq fövqəladə vəziyyət elan olunub.

Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.

Təbii fəlakət həmçinin Suriyada böyük dağıntı və minlərlə itkilərə səbəb olub, eyni zamanda Livan, Kipr, İraq, İsrail, İordaniya, İran və Misirdə də hiss edilib.