Rusiya Azərbaycanın SCO-da daha yüksək status almasını dəstəkləyəcək

Rusiya Azərbaycanın Şanxay Əməkdaşlıq Təşkilatı (SCO) yanında müşahidəçi status almaq üçün müraciətinə dəstək verəcək.

“Report” xəbər verir ki, bu barədə Rusiya xarici işlər naziri Sergey Lavrov azərbaycanlı həmkarı Ceyhun Bayramovla Moskvadakı görüşündən sonra mətbuat konfransı zamanı bildirib.

Rusiyalı nazir SCO da daxil olmaqla, beynəlxalq təşkilatlarda ikitərəfli əlaqələndirmənin gücləndrilməsinə dair müzakirə apardıqlarını qeyd edib. Adıçəkilən təşkilatda dialoq tərəfdaşı statusuna malik Azərbaycanın daha yüksək olan tərəfdaşlıq statusu əldə etməkdə maraqlı olduğu diqqətə çatdırılıb: “Belə müraciəti dəstəkləyəcəyik”.