Polşa səfiri: “Biz Azərbaycanla iqtisadi əməkdaşlığı gücləndirmək üçün səy göstəririk”

"Polşa Azərbaycanla iqtisadi əməkdaşlığı gücləndirmək və ikitərəfli əlaqələri genişləndirmək üçün səy göstərir".

Bunu “Report”a açıqlamasında Polşanın Azərbaycandakı səfiri Rafal Poborski deyib.

"Bu, təkcə əlaqə və kommunikasiyalara deyil, həm də nəqliyyat dəhlizlərinə aiddir", - o bildirib və əlavə edib ki, ölkələr arasında ticarət dövriyyəsi artır.

Səfirin sözlərinə görə, Polşa Azərbaycanın yaxın tərəfdaşıdır: “2017-ci ildə prezidentlərimiz strateji tərəfdaşlıq haqqında bəyannamə imzaladılar ki, bu da bizə müxtəlif sahələrdə əməkdaşlığı inkişaf etdirməyə kömək etdi”.

R.Poborski həmçinin elm və təhsil sahələrində əməkdaşlıq etməyin vacib oldğunu vurğulayıb: "Polşada çoxlu azərbaycanlı tələbə təhsil alır. Amma biz həm də elmi dairələr arasında mübadilə yaratmaq üçün çalışmalıyıq. Yəni daha çox polyak alimlərini Bakıya, Azərbaycan alimlərini isə Varşavaya cəlb etməliyik".