Pakistan növbəti dəfə Azərbaycanı dəstəklədi

“Azərbaycanla Ermənistan arasında elan edilmiş atəşkəs sülh və sabitlik üçün müsbət hadisədir”.

“Report”un məlumatna görə, bu barədə Pakistan Xarici İşlər Nazirliyinin (XİN) yaydığı məlumatda bildirilib.

“Ümidvarıq ki, tərəflərin razılaşdırdığı humanitar şərtlər yerinə yetiriləcək. Pakistan bildirir ki, iki tərəf arasında davamlı sülhün təmin olunması BMT Təhlükəsizlik Şurasının qətnamələrinin tam və hərtərəfli həyata keçirilməsindən və Ermənistan hərbi qüvvələrinin Azərbaycan ərazilərindən çıxarılmasından asılıdır. Bu işdə Pakistan qardaş Azərbaycan xalqını dəstəkləməyə davam edəcək” deyə, məlumatda qeyd olunub.