Mariya Zaxarova: XİN başçılarının “3+3” formatında növbəti görüşünə hazırlıq gedir

Xarici işlər nazirləri səviyyəsində “3+3” formatında növbəti görüşə hazırlıq davam edir.

Bunu “Report”un sualına cavabında Rusiya Xarici İşlər Nazirliyinin rəsmi nümayəndəsi Mariya Zaxarova deyib.

O, bu gün keçirdiyi brifinqdə təsdiqləyib ki, hazırda xarici işlər nazirlərinin sözügedən formatda Ankarada görüşünün təşkili istiqamətində iş aparılır.

“Ankarada belə bir görüş hazırlanır. Hesab edirəm ki, onun tarixini razılaşma əldə edildikdən sonra bütün ölkələrlə birlikdə elan etsək, düzgün olar. Ona görə də bunu etmək mümkün olan kimi deyəcəyəm, lakin belə bir görüşün hazırlandığını təsdiq edə bilərəm”, - M.Zaxarova bildirib.