Liberiya nümayəndəsi: “Gənclər qlobal çağırışların həllinə kömək edə bilər”

"Gənclər qlobal çağırışları həll etməkdə kömək edə bilərlər".

“Bunu “Report”a Bakıda keçirilən Qoşulmama Hərəkatı (QH) Gənclər Sammitində iştirak edən QH Gənclər Şəbəkəsinin Liberiyadan olan nümayəndəsi Moyyama Lassana Dünor bildirib.

“Gənclər Rusiya və Ukrayna arasında müharibə kimi qlobal çağırışları müzakirə etmək üçün bir yerə toplaşırlar. Hesab edirik ki, biz bu problemlərin həlli üsulunu axtarmaqda öz töhfəmizi verə bilərik”, - o deyib.

Onun sözlərinə görə, bu cür tədbirlər yeni bacarıqlar əldə etməyə imkan verir.

Xatırladaq ki, Bakıda Qoşulmama Hərəkatının Gənclər Sammiti başlayıb. Sammitdə Qoşulmama Hərəkatına üzv olan 60-dan çox ölkənin gənc nümayəndəsi, habelə bir sıra ölkələrin Azərbaycandakı səfirləri iştirak edir.